Presidenti amerikan, Donald Trump, ka vendosur tarifa prej 25 për qind në importet prej Kanadasë dhe Meksikës dhe 10 për qind në mallrat prej Kinës, nisur nga dita e martë. BBC zbulon detaje të reja në lidhje me produktet që Kanadaja do të vendosë tarifa prej 25% nga e marta, si shenjë hakmarrjeje ndaj SHBA. Vala e parë e taksave do të zbatohet për mallrat e importuara nga SHBA me vlerë 30 miliardë dollarë dhe ato do të mbeten në fuqi derisa SHBA të eliminojë tarifat e saj ndaj Kanadasë, thotë Departamenti i Financave. Mes produkteve që do të përfshihen në këtë tarifë janë tërshëra, makaronat, çokollata, ketchup dhe shumë të tjera. Artikujt në listën tarifore përfshijnë: Frutat dhe perimet; Kos, qumësht dhe djathë; Kafe dhe çaj; Veshje duke përfshirë doreza, shalle, këpucë dhe kostume; Alkooli si vera, vermuti dhe birra; Letër higjienike; Gjëra të ndryshme shtëpiake, si enë, frigoriferë dhe ngrohës uji.