Deklaratat e fundit të Donald Trump dhe publikimi i videove të reja nga Pentagoni për fenomenet e paidentifikuara ajrore kanë rikthyer në qendër të vëmendjes debatin për UFO-t, me mediat greke që i kanë kushtuar hapësirë të madhe çështjes gjatë orëve të fundit. Gazeta Kathimerini i referohet interesit në rritje për videot dhe raportet ushtarake amerikane, ndërsa thekson se disa nga pamjet lidhen me incidente të regjistruara edhe pranë hapësirës ajrore të Greqisë. Edhe Ta Nea publikuan një analizë me titull “UFO në Greqi: Çfarë panë pilotët amerikanë në vendin tonë”, duke zbuluar se Greqia përmendet të paktën tre herë në dosjet e reja të Pentagonit. Sipas raportit, dokumentet përfshijnë 162 dosje, telegrame diplomatike dhe transkripte të misioneve të NASA-s, ndërsa disa incidente lidhen me objekte të paidentifikuara të regjistruara mbi Egje.