Nëntë punonjës të policisë së Gjirokastrës janë pezulluar nga detyra pasi dyshohet se kanë lejuar kalimin e emigrantëve të paligjshëm në kufi. Ata akuzohen për shpërdorim detyre dhe dhënie ndihme për kalim të paligjshëm të kufirit. Hetimi ndaj tyre nisi disa muaj më parë nga ana e prokurorisë, e cila zbuloi se policët në bashkëpunim me njëri-tjetrin, emigrantët e paligjshëm që kapnin i transportonin drejt bashkisë së Delvinës e më pas I linin të lirë në kundërshtim me ligjin. Shumë prej këtyre emigrantëve më pas merreshin nga trafikantë dhe transportoheshin kundrejt shumave të ndryshme monetare drejt vendeve të bashkimit Europian. Masat për pezullimin nga detyra të efektivëve, mes të cilëve është dhe Shef i Sektorit të Migracionit dhe ai i Sektorit të Hetimit u ekzekutuan nga Agjencia e Mbikëqyrjes Policore.