Në prag të grevës së përgjithshme të porteve franceze të brigjeve të Atlantikut, rreth 15 barka peshkimi kishin bllokuar sot hyrjen në portin perëndimor të Bayonne, në protestë ndaj vendimit të qeverisë për mbylljen e zonave të peshkimit “për të mbrojtur delfinët”. Peshkatarët e Bayonne ishin përhapur në ujërat e hyrjes së portit dhe mbanin tymuese në mjetet e tyre për të sinjalizuar veprimin. Zhvillimi vjen pas një greve të ngjashme një ditë më parë në portin madhor të Boulogne-sur-Mer, ku barkat e peshkatarëve mbanin parulla si "shteti dhe OJQ-të po vrasin peshkimin artizanal" apo "marinarët po kërcënohen". Sipas peshkatarit venda Olivier Mercier në port po luhet mbijetesa e tyre. Sipas tij vendimi i shteti për të mbyllur zonat e peshkimit erdhi pas kërkesës së OJQ-ve për tre muaj mbyllje në fillim të vitit, e një muaj në verë/ “Kjo është reduktim me 50% i prodhimit të anijeve, masë me të cilën ato nuk mund të mbijetojnë. Nuk besoj se zyrtarët e kanë idenë se çfarë do të thotë kjo për ne”, shton ai. Një tjetër peshkatar tha se në fillim çështja ishte për metodën e rrjetave të përdorura, ndërsa tani ata duan që peshkimin e thellësive ta shkatërrojnë e ta heqin nga Franca, OJQ-të mjedisore e kanë bërë të qartë këtë. Sipas tij janë shpërndarë edhe fletushka ku thuhet se deri në 2030, nuk do të ketë më peshkatarë.