Lufta mes Izraelit dhe Hamasit shënoi javën e pestë këtë të shtunë, ndërsa Izraeli ka nisur ofensivën më të madhe nga ajri e toka për të shtypur Hamasin. Ushtria izraelite nuk ka treguar shenja të lëshimi, edhe pse Sekretari amerikan i Shtetit Antony Blinken apeloi për pauza të shkurtra humanitare me qëllim që të kursehen civilët e pafajshëm në Rripin e Gazës. Kryeministri izraelit Benjamin Netanjahu tha se pauzat humanitare nuk ishin të mundura për aq kohë sa Hamasi nuk lironte pengjet e Izraelit. Ushtria izraelite deklaroi se trupat e saj kishin nisur një operacion në Gazën jugore gjatë natës. Sulmet vdekjeprurëse goditën një autokolonë ambulancash dhe një strehë të kthyer në shkollë për refugjatët në enklavën e rrethuar palestineze. Ushtria izraelite tha gjithashtu se ishte sulmuar disa herë nga "boshtet e tunelit dhe komplekset ushtarake" të Hamasit në Gazën veriore dhe se kishte vrarë shumë "terroristë". Hamasi nga ana e tij tha se kishte goditur një autokolonë izraelite me mortaja. Ministria e Shëndetësisë në Gaza, thotë se më shumë se 9,480 banorë të Gazës, kryesisht gra dhe fëmijë, janë vrarë në sulmet izraelite dhe intensifikimin e fushatës tokësore. të paktën 12 persona janë vrarë kur Izraeli goditi një shkollë të Kombeve të Bashkuara që strehonte mijëra palestinezë të zhvendosur. Luftimet kanë provokuar protesta anti-izraelite në mbarë botën dhe kundërshtim politik nga fuqitë kryesore rajonale.