Vladimir Putin deklaroi të shtunën se “lufta në Ukrainë është drejt fundit. Deklaratën e tij e përsëriti sot edhe zëdhënësi i Kremlinit, Dimitri Peskov, i cili ftoi drejtuesit e BE-së që të caktojnë negociatorët nëse nuk iu pëlqen propozimi rus për ish-kancelarin gjerman Gerhard Shrëder. Po pse Putin papritur po kërkon ti japë fund luftës tani që ka pushtuar rreth një të pestën e Ukrainës? E përditshmja britanike “The Guardian” në analizën e saj e vendos theksin tek 5 motive që po e shtyjnë presidentin rus të kërkojë fundin e konfliktit. komente që ngrenë pyetjen se pse presidenti rus mund të E para: Rusia po humbet vrullin e fushëbetejës. Pas kundërsulmit të dështuar të Ukrainës në verën e vitit 2023, Moska kishte filluar gradualisht të pushtonte territorin ukrainas. Por kjo ka ndryshuar. Në prill, sipas Institutit për Studimin e Luftës, Rusia humbi kontrollin e 45 miljeve katrorë të Ukrainës. Ishte hera e parë që Rusia pësoi një humbje neto territori që nga gushti i vitit 2024. Një fitore e ngadaltë për Moskën nuk duket më e sigurt. E dyta: Viktimat ruse mund të tejkalojnë zëvendësimet. Ukraina thotë se gjatë pesë muajve të fundit ka vrarë ose plagosur më shumë ushtarë rusë sesa po rekrutohen. Edhe pse shifrat janë të vështira për t’u verifikuar, Ukraina i bazon statistikat e saj në pamjet e luftimeve. E treta: Ekonomia e Rusisë po lëkundej në fillim të 2026-ës, por rritja e papritur e çmimeve të naftës e shkaktuar nga sulmi i Donald Trump ndaj Iranit ka nxitur një rimëkëmbje. Megjithatë, sulmet e fundit me raketa me rreze të gjatë veprimi dhe dronë nga Ukraina ndaj terminaleve ruse të eksportit kanë ulur eksportin. E katërta: Ukraina po bëhet një superfuqi raketash dhe dronësh. Suksesi është demonstruar nga sulmet e thella ndaj infrastrukturës ruse të naftës në dy javët e fundit në një rafineri 930 milje nga vija e frontit. Rusia madje kishte frikë se Ukraina mund të shënjestronte paradën e fitores në Sheshin e Kuq gjatë fundjavës, duke bërë që Zelenskyy të lëshonte një dekret ku thuhej se do të lejonte që eventi të vazhdonte. E pesta: Putin nuk është i sigurt se do të ketë paqe pasi të ketë aneksuar ushtarakisht Donbasin dhe shpreson se mund ta bindë Trumpin që ta detyrojë Zelenskyn të heqë dorë zyrtarisht nga ky territor, për të kompensuar ngecjen në përparimin në vijën e parë. Ishte kjo ofertë që Putini bëri në samitin e Alaskës në gusht dhe, ndërsa SHBA-të e morën në konsideratë, Trump nuk ia imponoi dot Ukrainës lënien e këtij territori.