Samiti i NATO-s në Ankara nxori përsëri në sipërfaqe një nga çështjet më të ndjeshme për ekuilibrat në Egje dhe Mesdheun Lindor: mundësinë që Turqia të rikthehet në programin amerikan të avionëve ushtarakë F-35. Presidenti amerikan Donald Trump, pas takimit me homologun turk Rexhep Tayyip Erdogan, la të hapur këtë mundësi, duke thënë se Uashingtoni do ta shqyrtojë çështjen. Ai foli me tone shumë të ngrohta për presidentin turk dhe për rolin e Turqisë në NATO. Ankaraja e interpretoi këtë si një sinjal pozitiv. Presidenti Erdogan deklaroi se pret një vendim të favorshëm dhe kritikoi kryeministrin grek Kyriakos Mitsotakis, duke thënë se nuk duhej të kundërshtonte blerjen e avionëve F-35 nga Turqia. Rexhep Tayyip Erdogan president I Turqisë .... “Asnjëra prej këtyre deklaratave (të kryeministrit izraelit Benjamin Netanyahu apo të kryeministrit grek Kyriakos Mitsotakis kundër shitjes së avionëve F-35 Turqisë) nuk ka vend në botën time. Mitsotakis nuk duhej ta bënte një gabim të tillë. A kemi vënë ne ndonjëherë në pikëpyetje pse zoti Mitsotakis bleu sisteme të tilla mbrojtëse për Greqinë apo pse vazhdon të blejë? Jo."