Përplasja mes ministrit gjerman të Shëndetësisë, Jens Spahn e kryeministrit Rama pas deklaratave të Spahn për rritjen e numrit të infektimeve në Gjermani për shkak të udhëtarëve nga Ballkani, nuk i shpëtoi vëmendjes së mediave gjermane. Frankfurter Allgemeine Zeitung publikoi një shkrim me titullin"Spahn mbron deklaratat për udhëtarët nga Ballkani" , ku përcillet reagimi i Spahn, i cili i hedh poshtë kritikat e ardhura si Rama edhe nga Komuniteti Turk në Gjermani se me këtë qëndrim, Spahn i hap rrugë stigmatizimit. Spahn u shpreh pak ditë më parë, se udhëtarët e kthyer vitin e kaluar nga Turqia dhe Ballkani në një masë të madhe kontribuan në rritjen e numrit të infektimeve në Gjermani. Ai iu referua raporteve mbi gjendjen të Institutit Robert Kóch nga fundi i verës, e tha se “nëse shikoni vendet ku ka pasur infektime, në 10 vendet e para gjenden sidomos vendet e Ballkanit Perëndimor dhe Turqia dhe vendet kryesore, ku udhëtojnë gjermanët". Kryeministri shqiptar e akuzoi se po përdor 'paragjykimet stereotipe' kundër Ballkanit." FAZ i referohet të dhënave të Instutit në fjale, sipas të cilave vërtet që gjysma e infektimeve lidheshin me vendet si Kosova, Kroacia, Turqia, Bosnje-Hercegovina dhe Bullgaria, por rritja ka qenë e lehtë, dhe ne pergjithesi në kohën nga korriku deri në mesin e shtatorit shifrat e infektimeve mbetën në nivel relativisht të ulët." Veç kryeministrit Rama edhe Komuniteti Turk në Gjermani u shpreh i zemëruar për deklaratat e Jens Spahn. Sipas agjensise se lajmeve dpa, zëdhënësi i Komunitetit Turk, Serhat Ulusoy kritikoi Spahn, që vë në "dyshim të përgjithshëm grupe të tëra të popullsisë" dhe shtoi se ai "dëshiron fushatë me çdo çmim në kurriz të njerëzve".