Një makinë tesla është përfshirë në një aksident rrugor tragjik, ku humbën jetën dy persona, por ndërkohë, situata shkon në kufijtë e absurdes për shkak se në timonin e mjetit, nuk ishte askush! Ngjarja ndodhi në Houston të Teksasit. Makina u përplas me një pemë, e është përfshirë nga flakët, pa i lënë duket asnjë rrugëdalje personave brenda saj. flakët u ushqyen nga bateria e automjetit, dhe u arrit të fashiteshin nga zjarrfikësit vetem pas një beteje që zgjati 4 orë. Në fund, u pa se viktimat ishin pasagjerë, ndërsa në vendin e shoferit nuk kishte njeri. Rindërtimi i parë i ngjarjes tregon se makina po ecte me shpejtësi shumë të madhe, kur dicka shkoi keq. Dy personat në bord ishin njëri në vendin e parë të passagjerit, tjetri prapa, ndërsa për momentin nuk është sqaruar ende nëse vetura po lëvizte me pilot automatik. Në rastin e Teslës, ky pilot shfrytëzon sensorët dhe inteligjencën artificial për të parë rrugën e drejtuar. Deri tani, në SHBA janë regjistruar të paktën 23 aksidente të lidhura me drejtimin automatik të mjeteve.