Katër punëtorë humbën jetën në Japoni pasi u goditën nga një tren ekspres në stacionin Shin-Kanuma, në veri të Tokios. Tre prej tyre u gjetën të bllokuar poshtë trenit, ndërsa i katërti në platformë. Katër punëtorë u goditën për vdekje nga një tren ekspres në stacionin Shin-Kanuma, në veri të Tokios. Sipas autoriteteve, tre prej viktimave u gjetën të bllokuara poshtë trenit, ndërsa punëtori i katërt ndodhej në platformë. Të katër ishin pa ndjenja kur mbërritën ekipet e emergjencës dhe më pas u konfirmua vdekja e tyre. Mediat japoneze raportojnë se punëtorët po largonin barërat pranë shinave në momentin e aksidentit. Treni i përfshirë ishte ekspresi “Spacia X”, i cili lidh zonën e Tokios së Madhe me qytetin turistik të Nikos. Një pasagjer tregoi se kishte dëgjuar një zhurmë të fortë, përpara se treni të frenonte papritur. Pasagjerët qëndruan për një kohë brenda vagonëve, ndërsa autoritetet kontrollonin vendin e aksidentit. Hekurudhat japoneze njihen për standardet e larta të sigurisë dhe aksidentet fatale nga përplasjet apo daljet e trenave nga shinat janë shumë të rralla. Shkaqet e ngjarjes po hetohen.