Shkencëtarët në Brazil kanë njoftuar zhvillimin e një trajtimi të ri inovativ për varësinë ndaj drogës: një vaksinë. Ekspertët thonë se vaksina shkakton një përgjigje imune që bllokon kokainën të arrijnë në tru. Studiuesit shpresojnë se kjo vaksinë do të ndihmojë përdoruesit të thyejnë ciklin e tyre të varësisë ndaj kokainës. Studiuesi francez Frederico Garcia sqaron se “bëhet fjalë për një vaksinë terapeutike, funksioni i së cilës është të ndihmojë trupin e një personi kimikisht të varur për të prodhuar antitrupa kundër kokainës. Këto antitrupa sulmojnë ilaçin dhe e pengojnë atë të hyjë në tru dhe të veprojë në vendin ku normalisht stimulon." Po sipas studiuesve, duke marrë vaksinën, të gjithë përdoruesit e kokainës do të kenë një shans më të madh të mos i rikthen konsumit të kësaj lënde narkotike. Për studiuesen Raisa Lima, pjesë e grupit të shkencëtarëve që po punojnë për këtë vaksinë, sfida më e madhe në zhvillimin e kësaj vaksine është mbështetja financiare. Megjithatë studiuesit janë besimplotë se ky trajtim i ri do ta gjejë shumë shpejt rrugën për të shkuar tek sa më shumë njerëz që ia kanë nevojën.