Ka shkuar në 13 numri i viktimave nga përmbytjet katastrofike në Emilia Romanja të Italisë, ndërsa raportohet po ashtu edhe për disa të zhdukur. Shirat e rrëmbyshëm duket se do të vijojnë dhe situata duket larg qetësimit. Rreth 10.000 persona janë evakuuar deri më tani, e nje pjesë e tyre u desh të shpëtoheshin nga catitë e shtëpive me helikopterë. Autoritetet thanë se 14 lumenj dolën nga shtretërit e tyre, dhe kanë vërshuar në 23 qyteza. Niveli i pothuajse të gjithë lumenjve vazhdon të jetë mbi pragun e emergjencës dhe priten përmbytje të reja të cilat mund të rëndojnë brigjet e dobësuara apo të dëmtuara. 27 mijë persona janë pa energji elektrike, ndërsa në Castel Bolognese, ku ka pasur problem edhe me mungesën e ujit të pijshëm Kryebashkiaku i Ravennas, Michele de Pascale, u shpreh i tronditur duke thene se qyteti tani është “i tjetërsuar”, ndërsa pamjet dramatike të momentit kur vërshimi i ujrave shkul asfaltin e një rruge dhe pemët pranë saj në Cesena, kane bërë xhiron e rrjetit.