Gati 2,5 miliardë dollarë llogaritet dëmi I përmbytjeve në tre dekada, e megjithatë askush nga përfaqësuesit e institucionet që janë të angazhuara me mirëmbajtjen e sistemit hidrik në Shqipëri, vlerësimin e riskut para dhe gjatë emergjencave nuk ka dhënë llogari para drejtësisë dhe as është gjetur fajotor. Fatura e dëmit ekonomik bëhet public nga një raport I detajuar I Kontrollit të Lartë të Shtetit , që ka kaluar në lupë përgjegjësitë në nivel qëndror dhe të pushtetit local duke nisur nga ministria e buqësisë deri tek ndërmarrjet që administrojnë argjinaturat, sistemin kullues dhe kanalizimet. Gjetjet janë bërë publike nga kontrolli I lartë I shtetit mbas auditimit mbi përmbytjet e 2024 në qytetin e Vlorës ku dhe janë administruar qindra dokumenta mbi hartën, kanalizimin deri tek hidrovorët dhe kontratat e mirëmbajtjes së tyre. Në këtë kontroll përpos evidentimit të problematikës për mos pastrimin e kanaleve kulluese prej dekadash nga insitucionet përgjegjëse , ngrihen pikëpyetje se për mos menaxhim efekiv të riskut nga përmbytjet në nivel kombëtar I cili duhet të përshtatej me kushtet klimaterike, që në këto kushte sipas KLSH bie në kundërshtim me ligjin për mbrojtjen civile. E ndërsa ekspozohet se 3285 objekte janë ndërtuar pa leje në insfrastrukturën ujitëse , kulluese dhe të mbrojtjes, ky është vetëm njëri ngërc mbasi të tjerat lidhen me mos bashkëpunimin e duhur midis insitucioneve për menaxhimin e situatave të përmbyetjes deri tek mungesa e mirëmbajtjes të sistemit kullues. Nga 1990 numërohen tetë përmbytje të rënda në Shqipëri, e 1995 , shtatorit 2002 kur u prekën 7500 familje kryesisht në Torovicë , Lezhë dhe Milot , shkurt - mars 2004 përmbytjet e Drinit dhe Bunës, dhjetor 2005 përmbytjet në Jug nga Vjosa, përmbytjte e nënshkodrës 2010-2011 gjatë të cilës u evakuuan 12 mijë shtetas, në shkurt 2015 përmbytja e Jugut ku u dëmtuan plotësisht 709 shtëpi, përmbytjet e nëntorit 2017 përgjatë rrjedhës së Vjosës ku u dëmtuan 4700 banesa dhe e 2021 e 2024 në zonat Lezhë ShkodRës dhe Vlorë, me mijra hektarë tokë të përmbytur banesa e biznese të shkatërruara dhe rrugë të bllokuara përkohësisht nga rrëshkitjet. Në të gjithë këto emergjenca, drejtësia ka shënuar vetëm dy hetime duke dyshuar se nuk ishte vetëm faji I motit. E para emergjenca e 2010 në Shkodër mbasi u hapën tre porta shkarkimi të Vaut të Dejës , të Komanit dhe të Fierzës dhe kjo solli përmbytjet massive të gjithë Shkodrës madje dhe në qytet. Por duke u bazuar në ekspertizën e 3 specialistëve të hidrocentraleve, hetimet dolën në përfundimin se cështja duhej pushuar mbasi hapja e digave ishte e justifikuar. I dyti ende nën process është I prokurorisë së Durrësit , nisur pak ditë më parë jo vetëm për shkatërrim prone me përmbytje, por gjithashtu edhe ndaj personave që dyshohet se shpërdoruan detyrën gjatë menaxhimit të situatës.Deri më tani edhe për këtë dosje nuk ka ende të dyshuar