Të paktën 23 anëtarë të ushtrisë indiane janë zhdukur pasi përmbytjet shkatërruan bazat e tyre në një luginë në shtetin verilindor indian të Sikkim. Mediat lokale raportuan se tre civilë kishin vdekur pasi uji u kishte hyrë në shtëpi gjatë natës. Një video e publikuar nga një zëdhënës i ushtrisë indiane tregoi një përrua të dendur me ujë të furishëm në ngjyrë kafe që merrte përpara një luginë të dendur. “Për shkak të reshjeve të papritura në liqenin Lonak, shteti Sikkim, pati përmbytje të shumta, thuhet në deklaratën e ushtrisë që konfirmoi gjithashtu se gjeti automjetet e 23 policëve nën ujë. Ministria indiane e mbrojtjes i tha BBC-së se kishte nisur një operacion kërkim-shpëtimi dhe se ishte duke pritur për më shumë informacion. Po ashtu, autoritetet kanë nisur evakuimin e njerëzve në disa zona. Pamejt: AFP