Në Çeki dhe Poloni është raportuar për përmbytje masive të shkaktuara nga reshjet e dendura të shiut dhe erëra të forta që shkaktojnë vërshimin e lumenjve. AFP, referuar të dhënave të mediave lokale raportoi se rajonet çeke të Jesenicko në Olomouc dhe Frydlantsko në Liberec janë ndër më të goditurat. Në këto zona lumenjtë kanë vërshuar dhe kanë përmbytur shtëpi dhe rrugë. Zona e Mikulovices, pranë kufirit polak ishte po ashtu një nga zonat e goditura nga përmbytjet. Më shumë se 100 mijë forca të shërbimeve të emregjencave sin ë Ceki ashtu edhe në Poloni u mobilizuan në të gjithë vendin, për të menaxhuar situatën, ndërkohë që meteorologët paralajmërojnë përshkallëzim të situatës përgjatë së dielës. Instituti Hidrometeorologjik Çek njoftoi të shtunën se ishin përmbytur 170 vende në të gjithë Cekinë duke shpallur gjendjen e jashtëzakonshme të shkallës së tretë. Mbi 60 mijë familje janë pa energji, kryesisht në Boheminë veriore. Po ashtu janë pezulluar linja të shumta hekurudhore për shkak të pemëve të rrëzuara. Edhe Instituti Meteorologjik i Polonisë pret që shirat të vazhdojnë.