Përleshje të ashpra u shënuan sot sërish në Kolumbi mes protestuesve dhe policisë me veshje të rënda, kundër një ndeshjeje futbolli qe mbahet mes krizës se rende politike e shoqërore që ka përfshirë vendin. Përplasjet mes demonstruesve dhe autoriteteve u zhvilluan pranë stadiumit Metropolitano në qytetin e Barranquilla, teksa brenda zhvillohej ndeshja mes skuadrave kombëtare të Kolumbisë e Argjentinës. Deri tani rreth 50 persona, përfshirë një polic, janë vrarë në demonstratat masive antiqeveritare të Kolumbisë që nga 28 prilli. Sipas raportit të fundit nga Zyra e Ombudsmanit të Kolumbisë mbi demonstratat, vdekjet e 20 prej 48 personave të vrarë ishin të lidhura drejtpërdrejt me protestat, ndersa numri i të vdekurve në demonstratat kundër reformës tatimore, të cilat filluan me grevën kombëtare, është shumë më i lartë. Gjatë protestave antiqeveritare të mbajtura në të gjithë vendin, tashme ne diten e 38-te, në qytetin Cali u vranë 13 njerëz, ndërsa në kryeqytetin Bogota u plagosën 185 persona. Njësitë policore të Kolumbisë, ESMAD, ndërhynë dje me gaz lotsjellës ndaj demonstruesve pasi disa prej grupeve aktiviste dëmtuan bankat, stacionet e autobusëve dhe bizneset.