Donald Trump, I cili udhëheq garën presidenciale tek republikanët, u përball këtë të enjte me një tjetër gjyq. Gjykata e lartë shqyrtoi padinë e depozituar nga një grup votuesish të Kolorados, që kërkojnë moslejimin e Trump që të kandidojw sërish për president pas trazirave të 6 janarit 2021 në Capitol. Çështjen ata e ngritën duke u bazuar në dispozitë kushtetuese që u hartua pas luftës civile, e cila përjashton nga e drejta për t’u zgjedhur ish-zyrtarët që janë përfshirë në kryengritje. Por kjo bazë ligjore ngriti pikëpyetje mes gjyqtarëve konservatorë dhe liberalë, nëse ajo mund të zbatohet ndaj një Presidenti apo jo. Nga nëntë gjyqtarët, vetëm gjykatësja Sonia Sotomayor, sipas associadet press, la të nënkuptohej se mund të votonte për të lënë në fuqi vendimin e dhënë nga Gjykata e Kolorados, që e ka përjashtuar Donald Trump nga e drejta për t’u zgjedhur president. Sipas vendimit të dhënë emri I Trump nuk duhet të përfshihet në fletën e votimit në zgjedhjet paraprake të 5 marsit që do të mbajnë republikanët. Por duket se ky vendim do të rrëzohet nga gjykata e lartë, që pritet të hedh poshtë padinë e bërë. Sipas avokatëve të Trump, trazirat e 6 janarit nuk ishin kryengritje dhe se ish-presidenti nuk mori pjesë në to. Pamjet: AFP