Një aksident i rëndë me pasojë vdekjen e një 20-vjecari u regjistrua pasditen e së hënës në Ksamil. është regjistruar pasditen e sotme në Ksamil. Viktimë mbeti Antonio Mateli, banues në Ksamil, i cili ishte pasagjer në një furgon mallrash, që për rrethana ende të paqarta doli nga rruga. Si pasojë e aksidentit, i riu ka mbetur i plagosur rëndë. Ai është transportuar me urgjencë drejt spitalit, por fatkeqësisht ka humbur jetën gjatë rrugës. Sakaq një aksident tjetër ndodhi pak minuta më vonë në Elbasan, ku nga përplasja e një makine dhe një fugoni mbetën të lënduar tre persona dhe u transportuan në spitalin e Elbasanit. Edhe paraditja e së hënës regjistroi disa aksidente Disa aksidente Dy automjete u përplasën me njëri-tjetrin në aksin rrugor Fier-Lushnjë dhe përfunduan në kanalin anësor të autostradës, të plagosur mbetën 4 persona. Një tjetër i plagosur mbeti në Fier, nga një aksident me motomjet në lagjen Sheq i Madh, dhe një tjetër ndodhi në Lushnje-Berat, ku automjeti me të cilën udhëtonte një 28-vjeçare është përplasur me barrierat anësore të një ure dhe pas disa rrotullimeve ka përfunduar e kthyer në njërën anë në mes të rrugës, duke e çuar numrin total të plagosurve gjatë 24 orëve në 9 persona. Po ashtu një aksident zinxhir u shënua dhe në autostradën Tiranë-Durrës, Shtatë automjete e përplasën njëra pas tjetrës, por fatmirësisht pa pasoja në njerëz.