Java mbyllet me bilanc tragjik të jetëve të humbura në rrugë për shkak të aksidenteve automobilistike. Përplasja e dy mjeteve mbrëmjen e së premtes në aksin Elbasan Cërrik i mori jetën një personi ndërsa një tjetër është plagosur rëndë. Në aksident u përfshirë dy automjete: një mjet tip “Benz” dhe një “Volksëagen”. Si pasojë e përplasjes së fortë, drejtuesi i mjetit “Benz” ka humbur jetën në vendngjarje. Ndërkohë, drejtuesi i automjetit tjetër është transportuar me urgjencë në spital për ndihmë mjekësore. Në vendngjarje kanë mbërritur forcat e policisë dhe grupi hetimor, të cilët po punojnë për zbardhjen e plotë të rrethanave dhe shkaqeve të këtij aksidenti tragjik i cili për më shumë se 30 min bllokoi qarkullimin në këtë rrugë. Ndërkohë pasditen e kësaj të premte në superstradën Fushë Krujë-Milot, në afërsi të Thumanës një tjetër person gjeti vdekjen për shkak të një aksidenti të rëndë. Përplasja e fortë copëtoi totalisht mjetin ndërsa gjeti vdekjen e menjëhershme pasagjerja që udhëtonte në të.