Prokuroria e Lezhës ka mbyllur hetimet dhe duke dërguar për gjykim çështjen në ngarkim të 5 personave, të cilët u arrestuan në muajin maj të këtij viti për abuzim seksual me dhunë me një vajzë 15-vjeçare në Mirditë. Ndaj Artan Kaçorrit, Albert Mollës, Ermal Tarazhit, Nikë Lleshit dhe shtetasit Ardit Gjikola të cilët vijojnë të jenë nen masën e sigurisë “Arrest në burg” është ngritur akuza “Marrëdhënie seksuale me ose homoseksuale me dhunë me të mitur të moshës 14-18 vjeç” e kryer në bashkëpunim. Gjatë hetimeve organi akuzës ka provuar që 5 të rinjtë kanë abuzuar dhe shantazhuar të miturën 15 vjeçare, ndërsa vetë të akuzuarit kanë mohuar në vazhdimësi akuzat e hedhura ndaj tyre. Ngjarja e rëndë e cila tronditi mbarë opinionin publik ka ndodhur në maj të këtij viti në Tarazh të Mirditës, ku me anë të videove e kanë shantazhuar dhe kanë abuzuar seksualisht me të.