Një lajm i ëmbël ka ardhur nga çifti i njohur i këngëtarëve shqiptarë, të cilët së shpejti do të bëhen prindër për herë të parë. Lind Islami dhe Venera Lumani kanë njoftuar se shumë shpejt do të bekohen me një fëmijë. Ata nuk kanë zbuluar shumë detaje, por lumturinë kanë zgjedhur që ta ndajnë me fansat e tyre në rrjetet sociale. “Mezi pres me t’i pa sytë, me ta puth dorën e butë,” shprehet teksti i këngës, duke përcjellë ndjesinë e përkëdheljeve të para dhe dashurisë së pakushtëzuar që do të përjetojnë si prindër. Në gusht të vitit 2023, çifti kurorëzoi dashurinë e tyre në martesë. Ata organizuan një dasmë të madhe në bregdetin e Gjirit të Lalëzit, në Durrës. Çifti u njoh në vitin 2012 në “The Voice of Albania” dhe që prej atëherë nuk i janë ndarë më njëri-tjetrit. Në qershor të vitit 2018, ata njoftuan se ishin fejuar.