Dollari amerikan do të mbajë për herë të parë nënshkrime të dy grave, që i përkasin Sekretares së Thesarit Janet Yellen dhe arkëtares Lynn Malerba. Kartëmonedhat do të jenë në qarkullim duke filluar nga viti 2023, sipas Departamentit të Thesarit. "Kjo është hera e parë që firma e një gruaje Sekretare e Thesarit do të jetë në një kartëmonedhë amerikane. Dhe hera e parë që nënshkrimet e dy grave do të jenë në monedhën tonë," tha Yellen . Aktualisht, gratë përfaqësojnë rreth 62 për qind të fuqisë punëtore të Thesarit dhe mbajnë poste të rëndësishme, tha ajo.Por duhet bërë shumë më tepër shtoi ajo. "Shpresoj që kjo të jetë një kujtesë e rrugës që kemi bërë për barazi dhe përfshirje. Dhe shpresoj që kjo të na motivojë të vazhdojmë të ecim përpara," tha ajo. Nënshkrimi i Malerba shënon gjithashtu herën e parë që monedha amerikane do të ketë nënshkrimin e një gruaje vendase amerikane. Kartëmonedhat e para të tilla që do të hyjnë në qarkullim do të jenë 1 dhe 5 dollarë.