Top Channel/ “PD si Big Brother” Veliaj: Specializohen në nxjerrjen e njerëzve nga shtëpia e tyre

Erion Veliaj drejtues politik i PS për për qarkun e Tiranës, duke folur në Top News, bëri këtë koment për situatën aktuale në PD. “Kam përshtypjen se atij reality-show i ngjajnë për faktin se sipas formatit të Big Brother, opozita specializohet në nxjerrjen e njerëzve nga shtëpia. Por nëse në Big Brother ndodh për lojë, në shqup kjo ndodh në të vërtetë. Pra, një gjysmë nxjerr gjysmën tjetër nga partia, pastaj gjejnë diversantët, gjejnë bashkëpunëtorët me amerikanët dhe rrezikun anglo-amerikan, pastaj tradhtarët… në këtë sens situata është tragjikomike”, tha Veliaj. Pavarësisht zhvillimeve në kampin opozitar, Erion Veliaj fokusin e ka në performancën e ekipit të tij. “Herën e fundit e kam thënë me batutë, por unë besoj se është vërtet tragjikomike, ku fokusi më i madh i tyre është kë do nxjerrim nga shtëpia dhe jo kë do fusim në shtëpi. Megjithatë, në këtë lloj pune kam mësuar që të mos bëj kurrë llogaritë e të tjerëve, por të bëj llogaritë e skuadrës, punës sonë, e kontaktit tonë me njerëzit. Nuk jam këtu që t’i jap këshilla askujt, përfshirë këtu edhe kundërshtarët”, theksoi ai.