“Nuk jemi gjeti shtrigash, por as symbyllur’, u shpreh kreu i Partisë Demokratike, Sali Berisha gjatë një konference me gazetarët. Kryedemokrati tha se analiza brenda partisë do të bëhet në çdo qelizë, ndërsa shtoi se pati nga ata që shkuan me pushime gjatë fushatës elektorale, apo edhe nga ata që punuan për kundërshtarin politik, PS. “Foltorja ka qëllimin e vetëm takim dhe debat të hapur pa filtra para kamerave me mbështetësit tanë. Regjistrojmë propozimet e tyre, pikat që ti përmirësojmë, por do ishte jo e drejtë nëse do të pretendohej me këtë Foltore zbarojmë debatin e brendshëm. Ajo do bëhet në çdo qelizë. Ne nuk jemi parti gjueti shtrigash, por symbyllur nuk jemi, pati nga ata demokratë që kishin marrë dhe rrogën e deputetit të PD, anëtarë kryesore, etj. Që shkuan dhe u punësuan, u bënë drejtorë këshilltarë në strukturat e narkoshtetit. Më mirë se unë i dinë vetë strukturat, që gjatë fushatës nuk kanë punuar një ditë. Pati nga ata që shkuan me pushime në fushatën elektorale, apo edhe që punuan për PS. Këta do të japin llogari, janë strukturat që do të vendosin, propozojnë. Do ketë analizë për çdo njeri, një parti e lirë nuk njeh kufi.“, u shpreh Berisha.