Urdhri i Sali Berishës u vu menjëherë në zbatim nga demokratët të cilët nisën mbledhjen e firmave për të iniciuar zyrtarisht shkarkimin e kreut te shtetit Bajram Begaj për shkelje te Kushtetutes. Rregullorja e Kuvendit në nenin 112 parashikon të gjitha hapat nga dërgimi i kërkesës në zyrën e kryetarit të Parlamentit Niko Peleshi që duhet te ketë 35 nënshkrime deputetesh shoqëruar me motivacionin me shkelje te pretenduara, tek shqyrtimi i kërkesës nga Komisioni i Ligjeve i drejtuar nga socialisti Ulsi Manja, i cili brenda 15 ditëve duhet ti paraqesë Kuvendit raportin bashkë me propozimin nëse duhet te ngrihet një Komision Hetimor apo jo. Për shkarkimin e kreut te shtetit duhen minimalisht 94 vota në Parlament, 44 më shume sesa numri i deputetëve që ka Sali Berisha, ndersa fjalën e fundit në cdo rast e ka Gjykata Kushtetuese, ndaj dhe shkarkimi nga detyra i Bajram Begaj duket njw mision i pamundur. BERISHA: Ajo bëhet vetëm për postin e presidentit, se për një kukull nuk ia vlen të ndërmarrësh asnjë lloj veprimi. Por ne e ndërmarrim në respekt të institucionit të presidentit, që duhet të jetë një institucion që të mbrojë Kushtetutën Demokratët kushtëzuan pjesëmarrjen në komisionin e posatcmem per reformës zgjedhore dhe territoriale duke kërkuar rikthim te paritetit ne numra dhe dhe ekspertize te huaj. BERISHA: Asnjë komision pa Kongresin e Autoriteteve Rajonale dhe Lokale për reformën territoriale dhe pa ODIHR-in nuk marrim pjesë. Të vijnë institucionet ndërkombëtare. Grupi parlamentar demokrat vendosi të dorëzojë në Kuvend dy kërkesa për ngritjen e komisionit hetimor atij zgjedhjet e 11 majit dhe McGonigal.