Fushata e Partisë Demokratike u zhvendos në Vaun e Dejës, ku në siglën e PD garon Klomentina Drini, e cila ka përballë Zef Hilën, zgjedhur nga Rithemelimi dhe Kristian Shkrelin e Partisë Socialiste. Enkelejd Alibeaj kërkoi që votat e demokratë të shkojnë për kandidaten e Partisë Demokratike. “Dhe sa mirë që në këtë bashki si kurrë më parë, si në asnjë bashki tjetër e dimë fare mirë vështirësitë që ka pasur, sot Partia Demokratike ka nxjerr një përfaqësuese, një të re, një zonjë, një burrneshë. Një burrneshë e cila është e rrethuar nga të gjitha anët thjesht dhe vetëm nga njerëz që duan t’i marrin frymën jo asaj jo, duan t’i marrin frymën bashkisë së Vaut të Dejës. Në 14 maj zonja dhe zotërinj, miq, vëllezër do të votojmë numrin 1 dhe do të votojmë Klomentina Drinin që në 15 maj në këtë bashki të hapet një epokë e re, të hapet një fletë e re e historisë”- u shpreh Alibeaj.