Partia Demokratike festoi 34-vjetorin e themelimit të saj, ndërsa ceremonia ku ishin mbledhur drejtues, anëtarë dhe themelues të kësaj force politike, u hap me një mesazh nga burgu i ish-deputetit Ervin Salianji. “Jeni ju demokratët e palodhur që i jepni shpirt kësaj partie. Do doja të isha sot aty me ju. Fatkeqësisht Shqipëria sot është larg asaj që mendohej kur PD u krijua, e nesërmja për ne demokratët është sërish betejë, sepse shqiptarët çdo ditë e me shumë marrin rrugët për shkak të keqqeverisjes. Zgjedhjet po vijnë, do jemi bashkë për të festuar triumfin e së mirë mbi të keqen, asgjë nuk i ndal demokratët” Në përvjetorin e 34 të e partisë Sali Berishës dhuratë më e madhe i erdhi nga Gjykata e Tiranës ku pas tri vitesh beteje për pronësinë e regjistroi Partinë Demokratike me emrin e tij si kryetar ne regjistrin partive politike. Në fjalën e tij gjatë ceremonisë ai tha se demokratët tani janë më të bashkuar.