Këshilli i OKB-së për të Drejtat e Njeriut votoi për të dënuar incidentin e fundit të djegies së Kuranit, por shumë vende nuk pranuan të mbështesin, nga frika se rezoluta cënon shumë lirinë e fjalës. Pas një mbledhje urgjente organi më i lartë i të drejtave të Kombeve të Bashkuara e mbështeti rezolutën me 28 vota pro, 12 kundër dhe shtatë abstenime. Votimi në këshill solli më shumë ngjarje sesa unitet, me shtetet nga Evropa dhe Amerika që thanë se duhet më shumë punë që rezoluta të jetë më e fortë, përmes një vendimi unanim. Pakistani dhe shtete të tjera të Organizatës për Bashkëpunim Islamik iniciuan debatin dhe rezolutën pasi refugjati irakian dogji faqet e Kuranit pranë xhamisë kryesore në Kryeqytetin e Suedisë muajin e kaluar. Ky incident nxiti reagim të ashpër nga shtetet myslimane në mbarë botën. Këshilli për të Drejtat e Njeriut mbështeti rezolutën e Organizatës për Bashkëpunim Islamik duke dënuar urrejtjen fetare. Britania, Shtetet e Bashkuara, Franca, Gjermania, Kosta Rika dhe Mali i Zi votuan kundër rezolutës. Ky nuk është rasti i parë I djegies së Kuranit, pasi në Suedi lejohen protestat ku bëhet një veprim i tillë sipas tyre në kuadër të lirisë së fjalës, gjë që dënohet ashpër nga vendet myslimane. Pamjet: AFP