Në Patos u organizua protesta e tretë kundër reformës territoriale. Banorët nuk pranojnë bashkimin e Patosit me Bashkinë e Fierit. Duke kundërshtuar ndryshimin e statusit të qytetit, banorët mendojnë se Patosi i plotëson kriteret për të qënë bashki. Shkrirja e bashkisë së Patosit sipas qytetarëve do të largonte shërbimet administrative. Ata thonë se bashkimi me Fierin do të krijonte vështirësi, sidomos për të moshuarit. “Patosi ka historinë, ekonominë dhe të ardhurat e veta. Nuk është e drejtë që qytetarët të detyrohen të shkojnë në Fier për shërbime që sot i marrin këtu. Sidomos për të moshuarit kjo është një vështirësi e madhe”, u shpreh një qytetar. Banorët këmbngulin që Patosi të vijojë të funksionojë si njësia bazë e vetëqeverisjes vendore për qytetin që njihet për të ardhurat që fiton nga industria e naftës, duke dalë kundër shkrirjes me Fierin. Efekt Protestuesit paralajmërojnë se do të vijojnë kundërshtimin edhe në ditët në vijim, duke kërkuar që zëri i tyre të merret në konsideratë për riorganizimin territorial.