Ambasadorja e Izraelit në Shqipëri, Galit Peleg akuzon Iranin se qëndron prapa sulmeve të grupeve terroriste në rajon, si Hamasi në Gaza ashtu edhe Hezbollah në Liban, ku si pasojë ka qindra viktima. Peleg pretendon se synimi i terroristëve është të vrasin sa më shumë izraelitë, pa bërë dallim nëse janë civilë apo ushtarakë. Sipas diplometes izraelite, Izraeli e sheh udhëheqësin e Hamasit përgjegjës dhe paralajmëron se do të kujdeset vetë ajo që ky sulm të marr dënimin e merituar e të paguajnë çdo shkatërrim edhe humbje jete. “Izraeli vazhdon të jetë nën sulm me raketa nga Gaza. Herët në mëngjes, Hamasi nisi një sulm vdekjeprurës ndaj Izraelit. Përsëri, udhëheqja e Hamasit dëshmon se ata nuk kujdesen për jetët e civilëve në Gaza, por qëllimi i tyre kryesor është të vrasin sa më shumë izraelitë. Ata hynë në shtëpi dhe tentuan të depërtojnë në strehimoret ku fshiheshin familjet. Në disa raste, ata dogjën shtëpinë, kështu që familja do të dilte dhe më pas do t’i mbyllte.”-deklaroi përfaqësuesja e Izraelit. Ambasadorja Peleg kërkon nga ndërkombëtarët reagim të menjëhershëm, teksa tregon se vetë Izraeli po përpiqet në çdo mënyrë të mbrojë shtetasit e tij. “Izraeli do të përdorë çdo mjet për të mbrojtur qytetarët e tij. Nuk kemi asnjë dyshim se Irani qëndron prapa grupeve terroriste në rajonin tone. Ne presim që komuniteti ndërkombëtar të mbështesë pa kushte të drejtën e Izraelit për vetëmbrojtje. Ne gjithashtu presim që ata të veshin aleancën jo të shenjtë të Iranit, Sirisë dhe Libanit për të shmangur hapjen e një fronti tjetër me Izraelin”- përfundoi deklaratën ambasadorja e Izraelit në Tiranë.