Me rastin e 1 Qershorit Maya ka ndarë si rrallëherë një foto me të birin. Ajo shfaqet duke buzëqeshur së bashku me djalin e saj. “Të dashur fëmijë, gëzuar festën tuaj, 1 Qershorin. Zemrat tuaja qofshin vatër gëzimi. Të dua”, shkruan Maya. Kujtojmë se krisja e marrëdhënies së këngëtares Maya me bashkëshortin e saj tronditi publikun. Këngëtarja dhe bashkëshorti i saj Arben Shuaipi kanë pasur konflikte që i kanë shkuar deri në dyert e gjykatës. Me vendim gjykate të datës 19 mars 2024, bashkëshorti i këngëtares urdhërohet që të mos i afrohet Maya-s më shumë se 200 metra. Po ashtu bashkëshorti i këngëtares, duhet të bëhet pjesë e programeve të rehabilitimit kundër dhunës në familje. Në një video të shpërndarë në rrjetet sociale çifti shihet duke debatuar në një banesë me fyerje dhe tone të larta zëri. Në video Shuaipi i kërkon Majës të largohet nga banesa duke pretenduar është e tija dhe sepse ka një urdhër mbrojtjeje, ndërsa kjo e fundit del në ballkon dhe bërtet “Ndihmë, ndihmë”, ndërkohë që lajmëron dhe policinë.