Banka Qendrore Europiane ka rritur normat e interesit me një çerek pikë përqindjeje, më pak se rritjet e mëparshme, një shenjë kjo që tregon se kostot e huamarrjes në Eurozonë, mund të arrijnë së shpejti kulmin e tyre. Vendimi i BQE-së, i cili pasqyron rritjen e normës tremujore të Rezervës Federale të SHBA-së një ditë më parë, e çon normën bazë të interesit për euron në 3.25%, duke shënuar rritjen e shtatë radhazi, që nga mesi i vitit 2022. Bankat qendrore në të dy anët e Atlantikut, kanë rritur në mënyrë dramatike normat, që nga viti i kaluar, si përgjigje ndaj rritjes së inflacionit. Normat e larta të interesit i bëjnë kreditë më të shtrenjta, gjë që mund të ngadalësojë kërkesën dhe të kundërshtojë normat e larta të inflacionit. Banka qendrore synon stabilitetin afatmesëm të çmimeve në eurozonë me një normë inflacioni prej 2%. Ndërkohë edhe Banka Qendrore e SHBA-së rriti normat e interesit në përpjekje për të stabilizuar cmimet. Rezerva Federale e rriti normën bazë të interesit me 0.25 për qind - rritja e dhjetë gjate 14 muajve. Banka paralajmeroi sakaq se kjo mund të jetë rritja e fundit e këtij lloji për momentin. Normat më të larta të interesit e bëjnë më të shtrenjtë blerjen e një shtëpie, huamarrjen për të zgjeruar një biznes ose për të marrë borxhe të tjera. Duke rritur këto kosto, zyrtarët presin që kërkesa të bjerë dhe çmimet të stabilizohen. Pamjet: AFP