Më parë ajo përdorej për të dërguar mesazhe paralajmërimi në fshatrat deri në 30 km larg, teksa daullja emblematike ‘Xhixhi Ajoke’ njihej në të gjithë kulturën dhe identitetin e vendit. Por në vitin 1916 autoritetet koloniale e konfiskuan atë dhe në 1930 u transferua në Paris. Autoritetet koloniale e kishin konfiskuar daullen tradicionale kur ajo nisi të përdorej si paralajmërim kur francezët vinin për të mbledhur burra vendas për ndërtimin e një rruge. Daullja e famshme ivorjane 430 kg e rëndë dhe tre metra e gjatë, po rikonstruktohet nën kujdesin e muzeumit Quai Branly. Kuratorja Nathalie Richard, thotë se dëmtimet e daulles së drunjtë vijnë prej kohës që ka qëndruar jashtë, dhe insekteve që kanë depërtuar në të. Nathalie Richard, "Ne kemi konsoliduar materialin, drurin e saj, duke e mbushur me rrëshirë e duke rindërtuar cepat e dëmtimet, në mënyrë që ajo të rikthehet në funksion”. "Ajo ende mund të transmetojë vibrimet e saj deri në 30 km larg, të cilat interpretohen nga dëgjuesit”. Daullja është përdorur në fshatin Axhamé nga ku shpërndante rrahjet e saj, pasi edhe gjuha vendase Ebrie është gjuhë tonalitetesh. Pamjet: AFP