Sot në një deklaratë në televizionin publik të Guinesë, enti ushtarak që ka ardhur në pushtet në vend, tha se janë thirrur ministrat për një takim në parlament dhe se është vendosur shtetrrethimi. Ushtria në Guine të Afrikës arrestuan dje presidentin Alfa Conde dhe njoftuan shpërbërjen e Qeverisë. Kufijtë e vendit janë mbyllur dhe Kushtetuta është shpallur e pavlefshme, njoftonte koloneli i ushtrisë, Mamadi Dombuia. “Detyra e një ushtari është te shpëtojë vendin. Ne nuk do t’ia besojmë politikën një njeriu. Do t’ua besojmë njerëzve”, tha ai. 83 vjeçari Conde kishte qenë në pushtet për më shumë se një dekadë. Popullariteti i tij ka rënë prej vitit te kaluar kur ka kërkuar mandatin e tretë. Sekretari i përgjithshëm i Kombeve të Bashkuara, Antonio Guterres dhe shumica e vendeve perendimore dënuan ashpër “çdo marrje të Qeverisë me forcën e armëve”.