Trafiku ajror në Gjermahni është paalizuar masivisht mëngjesin e sotëm, e shkak për këtë janë bërë aktivistët e klimës. Fluturimet janë ndërprerë përkohësisht në aeroportetKöln-Bonn, Berlin dhe Nuremberg, ndërsa organizatat për mbrojtjen e mjedisit, "Brezi i fundit"njoftoi sipas mediave në Gjermani, se nga dy aktivistë të saj kanë depërtuar në aeroporte brenda territorit të fluturimit të avionëve. Edhe në aeroportin e Shtugartit është përgatitur një aksion proteste. Sipas organizatës bëhet fjalë për një "rezistencë paqësore", dhe se nuk janë prekur pistat e ngritjes dhe zbritjes së avionëve, por anëtarët e saj janë ngjitur në pista të tjera ku lëvizin avionët. Një zëdhënës i aeroportit Köln-Bonn tha, se disa persona ishin futur në territorin e aeroportit ku kryhen fluturimet. Policia federale bëri fjalë për tre persona, që kishin depërtuar në aeroport. Sipas të dhënave të policisë ishte prerë një gardh rrethues i aeroportit. Gjendja duket po shkon drejt normalizimit në Berlin, ku protestuesit janë larguar nga territori i aeroportit por janë ndaluar përkohësisht nga policia ndërsa rrezikojnë të përballen me padi për prishje të rendit publik, dëmtime dhe ndërhyrje e rrezikshme në trafikun ajror.Së fundmi ka pasur disa protesta të "Brezit të fundit" në aeroportet gjermane, edhe në Frankfurt mbi Main, Lajpcig, Dortmund. Protesta e aktivistëve të klimës drejtohet kundër përdorimit të lëndëve djegëse fosile ndërsa insistojnë për heqjen dorë prej tyre deri në vitin 2030.