Presidenti rus, Vladimir Putin do të nisë një kundërofensivë për të rimarrë territorin në rajonin e Kurskut, që tashmë është nën kontrollin e trupave ukrainase. Por, forcat ruse do të përballen me “një luftë të vështirë” tha zëvendësdrejtori i Cia-s Dejvid Kohen. Ai tha gjatë një konference të industrisë së sigurisë se rëndësia e inkursionit ukrainas, përmes së cilit Ukraina mori nën kontroll rreth 777 kilometra katrorë, në rajonin rus, ende duhet të shihet. Forcat ukrainase kaluan kufirin për në Rusi dhe nisën një ofensivë të befasishme në rajonin rus të Kurskut më 6 gusht. Përderisa Kievi ka thënë se nuk synon të aneksojë zonën që ka marrë nën kontroll, forcat ukrainase po krijojnë vija mbrojtëse dhe duket se po synojnë të mbajnë “një pjesë të atij territori për një periudhë kohore, sipas tij. Ukraina ka pretenduar se ka marrë 100 vendbanime gjatë ofensivës në rajonin e Kurskut, teksa forcat ruse po vazhdojnë të avancojnë në rajonin ukrainas të Donjeckut.