Parada e fenerëve që celebron ditëlindjen e Budës është rikthyer dje pas dy vitesh në rrugët e kryeqytetit të Koresë së Veriut. Ajo që nisi si një ritual i thjeshtë fetar është kthyer tashmë në një festival të gjerë pranveror ku rrugët, tempujt e qendrat tregtare zbukurohen me fenerë lulesh. Parada është kulminimi i një eventi gati një-javor ku pjesëmarrësit ecin rreth tre km me fenerët e tyre duke performuar mes duartrokitjes së spektatorëve. Pjesëmarrësit shpreheshin të lumtur për rikthimin e ritualit pas ndërprerjes së gjatë. "Është një gëzim të shikosh paradën përsëri me kaq shumë njerëz. Vajza ime e kishe parë kur ishte e vogël por tani kanë kaluar më shumë se dy vjet, jemi të lumtur që e shikojmë përsëri", tha 43 vjeçari Kim Sung-vook. Punonjësi i administratës Gan An-il, tha se ishte i kënaqur për paradën dhe do e ndiqte atë në të gjithë rrugën e saj. "Kam ardhur nga larg vetëm për të parë paradën. Do t’i ndjek gjatë performuesit pasi shpresoj që parada të jetë si një festë për fundin e virusit." “Shpresoj që izolimet të marrin fund dhe të shijojmë përsëri festat dhe performancat e rrugës të gjithë së bashku”, shtoi ai.