Vetëm disa javë para ditës së zgjedhjeve presidenciale në Shtetet e Bashkuara, siguria kufitare vazhdon të jetë në qendër të debateve. Korrespondentja e Zërit të Amerikës, Aline Barros ishte në shtetin e Arizonës ku bisedoi me dy agjentë të Patrullës Kufitare amerikane dhe një eksperte të migracionit dhe sjell pikëpamjet e tyre mbi njërën nga çështjet kryesore për votuesit amerikanë. Në Arizona, kufiri mes Shteteve të Bashkuara dhe Meksikës kalon nëpër shkretëtirën Sonoran, një mjedis i rrezikshëm për emigrantët. Megjithatë, një numër rekord emigrantësh kaluan kufirin jugor të Shteteve të Bashkuara në vitin 2023. Edhe në terrenin e vështirë të korridorit pranë qytetit Nogales, janë regjistruar shifra rekord të përpjekjeve për ta kaluar kufirin. Patrulla kufitare thotë se kanë kaluar njerëz nga mbi 150 vende të ndryshme. Numri i emigrantëve nga vendet afrikane dhe aziatike ka shënuar rënie. Por për disa ekspertë, siguria kufitare është çështje më komplekse sesa thjesht pengesat. Pak java para zgjedhjeve presidenciale të nëntorit, emigracioni është një nga çështjet kryesore. Ndërkohë, Patrulla Kufitare do të vazhdojë punën për të penguar kalimet e paligjshme kufitare.