Mesha e hapur e Leonit të XIV në Madrid u kthye në një ngjarje të përmasave historike: 1.2 milionë vetë mbushën rrugët pranë njërit prej shesheve më të njohura të kryeqytetit spanjoll me thirrjet “Rroftë Papa”, teksa Ati i Shenjtë afrohej me makinën e tij të bardhë. Mesazhi i kreut të Kish Katolike ishte frymëzues: Zoti është në krahun e të varfërve dhe të braktisurve. Ai është një Zot që është pranë nesh, që ecën me popullin e tij. Është ngushëllim për të dobëtit, dritë për familjet, shpresë për të sëmurët dhe paqe për ata që vuajnë. Kristi që përshkon rrugët në procesione, është i njëjti Krisht që identifikohet me të varfrit, të shtypurit, ata që janë vetëm dhe të braktisur.