Mëngjesin e së Shtunës së Shenjtë në Katedralen Notre Dame pati trazira pasi, kur një shërbëtore e kishës zbuloi një mesazh kërcënues që paralajmëronte një sulm në katedrale. Sipas informacioneve nga burime policore të cituara nga gazeta franceze Le Parisien, shërbëtorja zbuloi mesazhin të shkruar në letër në një stol brenda katedrales rreth orës 08:50 të mëngjesit. Ne letër shkruhej: “E diela e Pashkëve, do të ketë një sulm në katedrale.” Oficeri i sigurisë së Notre Dame fillimisht nuk ka dashur që policia të ndërhyjë, por ka përfituar nga fakti se katedralja ishte mbyllur që në orën 16:15 të shtunën pasdite për t’u përgatitur për shërbimin. Kështu, një ekip qensh të trajnuar posaçërisht kryen kontrolle, por nuk zbuluan asgjë të dyshimtë dhe shërbesa e Pashkëve u zhvillua normalisht atë mbrëmje. Prokuroria e Parisit tha se kishte nisur një hetim për “kërcënimet materiale të krimit ndaj personave, të kryera në bazë të racës, kombësisë, kombit apo fesë, zbulimin e informacionit të rremë me qëllim që njerëzit të besonin në fatkeqësi të rrezikshme”. Hetimet i janë caktuar qarkut 1 të policisë gjyqësore të Parisit.