Pasagjerët e një fluturimi të kompanisë Sky Airlines nga Santiago drejt Concepción në Kili përjetuan momente paniku, pasi avioni u përfshi nga turbulenca të forta dhe u detyrua të kthehej në aeroportin e nisjes për shkak të kushteve të vështira atmosferike. Sipas mediave lokale, erërat në zonë arritën shpejtësinë deri në 107 kilometra në orë, duke e bërë të pamundur uljen e sigurt në aeroportin e Concepción. Ngjarja ndodhi të mërkurën në mëngjes, kur fluturimi SKY 161, i nisur nga Santiago, hasi vështirësi të mëdha gjatë tentativës për ulje. Për shkak të erërave të forta dhe turbulencave, pilotët vendosën të ndërpresin procedurën e uljes dhe të rikthehen në aeroportin e Santiagos. Një video e publikuar në rrjetet sociale tregon momentet e frikës brenda kabinës, ndërsa pasagjerët përjetonin lëkundjet e forta të avionit. Sipas Shërbimit Meteorologjik të Kilit (Dirección Meteorológica de Chile), në Aeroportin Carriel Sur në Concepción u regjistruan erëra me shpejtësi deri në 107 km/h, kushte që e bënin uljen të rrezikshme. Pavarësisht situatës së tensionuar, avioni u kthye në Santiago pa incidente dhe nuk pati raportime për persona të lënduar. Source-X-@ Kristofer Espinoza