Avioni Airbus A321 i kompanisë Lufthansa me 177 pasagjerë dhe 7 anëtarë të ekuipazhit sapo ka kryer ulje emergjente për shkak të një problemi teknik në aeroportin Eleftherios Venizelos të Athinës dhe pilotët urdhërojnë menjëherë evakuimin e tij. Në gjendje paniku udhëtarët përpiqen të shkojnë tek dy portat e avionit pasi janë aktivizuar procedurat e evakuimit emergjent. Stjuardesat pasi kanë hapur dyert, kanë aktivizuar rrëshqitëset fryrëse të emergjencës dhe u kërkojnë pasagjerëve të largohen sa më shpejt nga kabina .Bëhet fjalë për fluturimin LH1753 me destinacion Mynihun. Pasi është nisur nga Athina në orën 18:19 të pasdites të së hënës , pilotët vetëm pak minuta më vonë , janë informuar për një problem teknik dhe kanë lajmëruar pasagjerët se duhej të ktheheshin menjëherë në aeroport për arsye sigurie.Për disa minuta në bord mbizotëron tension dhe konfuzion, ndërsa udhëtarët përpiqen të dalin menjëherë nga avioni. Në pistë janë vendosur automjete zjarrfikëse dhe forca të sigurisë së aeroportit, ndërsa zjarrfikësit dhe personeli i emergjencës orientojnë udhëtarët drejt zonave të sigurta. Gjatë evakuimit pati dy lëndime të lehta. Ndërkohë, peripecia e pasagjerëve nuk përfundoi me uljen emergjente në Athinë. Sipas mediave greke, ata u nisën sërish sot drejt Mynihut