Sipas Institutit për Studime Ekonomike Ndërkombëtare (Wiiw) në Vjenë, me ritmet aktuale do të duhen vite për të vaksinuar popullsinë në disa pjesë të Ballkanit Perëndimor. Në të njëjtën kohë, nga nivelet e vaksinimit varet edhe se sa shpejt rimëkëmbet ekonomia: Serbia është në rrugën e duhur, ndërsa Bosnja dhe Hercegovina nuk do të jetë rikuperuar ekonomikisht nga pandemia deri në vitin 2022, kurse Mali i Zi madje as deri në vitin 2023, thotë DË. Shumë boshnjakë ndihen të poshtëruar nga fakti që qeveria e tyre nuk arriti të sigurojë sic duhet vaksina, e një pjesë janë detyruar të imunizohen në Beograd. Boshnjaket janë të zemëruar me politikanët e tyre. Akuza: ata preferojnë të merren me grindjet politike të brendshme, në vend që të gjejnë vaksinat. Në Serbi, shifrat e infektimeve janë shqetësuese, mgjithatë vendi ka tërhequr vëmendjen për vaksinimin, duke ofruar madje imunizim edhe për të tjerët. Shkalla e vaksinimit në Serbi është 8.5 përqind, cka e rendit atë të dytën në Europë pas Britanisë së Madhe. Në Maqedoninë e Veriut, kush ka para mjekohet kundër Covid 19 në klinika private ku trajtimi nsaj kësaj sëmundjeje shkon deri në 20 mijë euro. Kosova zë vendet e fundit, përsa i përket vaksinimit. Deri tani, në Kosovëjanë vaksinuar vetëm 10.000 vetë - mjekë dhe persona në moshën mbi 80 vjeç. Në Shqipëri, gjendja paraqitet e përmirësuar. Numri i infektimeve dhe vdekjeve nga koronavirusi ka qenë në rënie gjatë dy javëve të fundit, ndërsa nga gati 3 milionë banorë, deri tani janë vaksinuar më shumë se 280.000. Mali i Zi njoftoi edhe ai se sistemi shëndetësor vendas nuk është më i mbingarkuar.