Tashmë, edhe Gjermania po dorëzohet përballë idesë se duhet hequr dorë nga masat kufizuese të pandemisë. Kancelari gjerman Olaf Scholz dhe kryeminstrat e landeve kanë vendosur që deri në 20 mars, ato të hiqen gradualisht. Kjo do të realizohet në tre faza. Kancelari sqaroi pas takimit tha se "virusi Omikron dhe pandemia e kanë arritur tanimë kulmin e tyre" dhe se gjendja ka filluar ngadalë të përmirësohet. Incidenca në Gjermani në 100.000 banorë brenda shtatë ditësh është për momentin mbi 1400. Por pesë ditët e fundit numri i të infektuarve dhe incidenca kanë rënë çdo ditë, e kjo është rënia e parë prej muajit dhjetor. Ndërsa gjendja në spitale është nën kontroll. Një situatë e tillë mundëson filimin e heqjes graduale të masave, pohoi Scholz. Në fazën e parë do të lejohet futja në dyqane e të gjithë qytetarëve vetëm me maska, pavarësisht nëse janë vaksinuar apo shëruar. Për personat e vaksinuar apo shëruar nuk do të ketë më kufizime për takimet me të tjerët, ndërsa të pavaksinuarit deri me datën 19 mars mund të takojnë vetëm dy persona të tjerë jashtë familjes së tyre. Faza e dytë fillon më 4 mars kur do të ketë lehtësime për gastronominë dhe hotelet. Diskotekat dhe klubet do të hapen, por duke respektuardisa rregulla, ndërsa në manifestimet e mëdha brenda mund të mblidhen deri në 6000 persona ose 60% e kapacitetit. Në 20 mars, hiqet dhe detyrimi i punës nga shtëpia. Më pas mbetet vetëm mbajtja e maskave në vende të caktuara - trafik apo objekte të mbyllura, por vaksinimi do të vazhdojë të mbetet synim kryesor.