Shëndeti mendor rrezikon të kthehet në bombën e re të shoqërisë shqiptare. Rasti i fundit në Përmet ku një i ri me probleme të shëndetit mendor vrau nënën e tij, tregon risqet që vijnë për shoqërinë. Në puntatën e kësaj të mërkure, “Inside Story” sjell një investigim për problematikat në trajtimin e kësaj shtrese. Mes stigmës dhe paragjykimeve, mijëra shqiptarë u drejtohen qendrave të specializuara për të dalë nga gracka e sëmundjeve të shëndetit mendor. Dramatike paraqitet situata edhe mes të rinjve dhe fëmijëve. Veçanërisht pas Covid-it numri i atyre që kërkojnë ndihmë është dyfishuar, duke filluar që nga diagnozat më të rënda që është skizofrenia dhe çrregullimet bipolare.