Brian Thompson, CEO i UnitedHealthcare, kompanisë më të madhe të sigurimeve në SHBA, u qëllua me armë zjarri në Neë York teksa ishte gati të merrte pjesë në konferencën vjetore të investitorëve të kompanisë. Thompson u qëllua për vdekje me silenciator në shpinë dhe në këmbë jashtë hotelit Hilton në Manhattan. Departamenti i Policisë së Nju Jorkut në një deklaratë raporton se ngjarja ndodhi rreth orës 06:40 të mëngjesit të sotëm, me orën amerikane. Ai u transportua në spital në gjendje kritike, por më vonë nuk mundi t’i mbijetojë dot plagëve të marra. Autori sapo e ka qëlluar është larguar menjëherë nga vendi i ngjarjes. Ai mbante një çantë gri dhe me kapuç, ndërsa sipas dëshmitarëve ai u lagua fillimisht në këmbë dhe më pas me një biçikletë. Hetuesit thonë se kanë video të momentit, por ende nuk dihet motivi i të shtënave. Sipas policisë së Neë York, autori është parë për hërë të fundit në Central Park. Thompson u emërua shef ekzekutiv i UnitedHealthcare në prill 2021. Ai fitoi 10.2 milion dollarë duke punuar për kompaninë vitin e kaluar. 50-vjeçari filloi të punojë aty në vitin 2004 dhe ka mbajtur role të shumta drejtuese, duke përfshirë edhe CEO.