Ushtria e Ukrainës publikoi pamje ku dukeshin raketa-lëshueset e lëvizshme ruse "Grad" që goditen nga anti-tankë ukrainas të dhuruar nga SHBA. aktualisht po luftohet në qytetin Severodonetsk, në rajonin Lugansk ku është përqendruar kryesisht ofensiva e Moskës. Ndërkohë beteja në qytet është përqendruar në zonën industriale të ‘superfosfatit’ ku rreth 500 ushtarë e civilë ukrainas janë strehuar. “Nëse pas goditjeve ura e daljes nga qyteti do të shembet, atëherë do të jemi tërësisht të izoluar, nuk do të ketë rrugë daljeje me automjet nga Severodonetsk,” tha një ushtarak ukrainas. Marrja e Severodonetsk do të hapte rrugën për ushtrinë ruse ndaj qyteteve të tjera si Slovyansk e Kramatorsk. Rusia kërkon të kompletojë pushtimin e të gjithë rajonit rusisht-folës të Donbasit, ku separatistët pro-Kremlinit luftojnë prej vitit 2014.