Policia e shtetit të Illinois ka publikuar pamje të kamerave trupore të momenteve kur një grua është qëlluar për vdekje nga një efektiv që kishte thirrur për ndihmë. Vrasja shokuese e 36-vjeçares Sonya Massey, në fillim të muajit nga oficerët që iu përgjigjën thirrjes në shtëpinë e saj, ka shkaktuar zemërim të gjerë dhe madje është dënuar edhe nga presidenti Joe Biden. Oficeri Sean Grayson është shkarkuar nga policia dhe ndaluar për vrasje, por i mohon akuzat. Incidenti tragjik ndodhi kur e ndjera Massey thirri policinë në Springfield, Chicago, pasi besonte se dikush mund të kishte hyrë në shtëpi. Por teksa oficerët hyjnë brenda banesës një debat nis mes gruas dhe policit që e qëlloi për vdekje. Gjatë bisedës, Massey i thotë policit: “Të dënoj në emër të Zotit”, ndërsa “polici i përgjigjet: “Bën mirë të mos e bësh se për Zotin të qëlloj në fytyrë”, dhe pas disa sekondash e qëllon për vdekje. Teksa kolegu i tij tenton të kërkojë kutinë e ndihmës së shpejtë, oficeri thotë: “Ajo ka marrë fund. Shko merre, por e kam qëlluar në kokë.” Për ngjarjen e paprecedentë ka nisur një hetim, ndërkohë që protesta me thirrjet “stop vrasjev nga policët” kanë shpërthyer në vend. Pamjet: AFP