Kur kanë kaluar më shumë se 3 vite nga aksidenti tragjik ku 3 të rinj duke lëvizur me një mjet Audi me shpejtësi ranë nga rrethrrotullimi I unazës së madhe prane teg dhe humbën të tre jetën, tragjedia përsëritet. Në rrethana ende të paqarta një mjet I tonazhit të rëndë, betoniere ka humbur kontrollin teksa po lëvizte në unazën lindore. Betonieria ka Hyrë me shpejtësi në rreth dhe është përplasur me një mjet audi që po levizte në po të njëjtin rrethrrotullim. Përplasja ka qenë e fortë sa betonierja ka kaluar sipër makinës më pas ka thyer barrierat metalike që kufizonin rrethin dhe ka rënë në nivelin e poshtëm në aksin tiranë-elbasan duke u përplasur në po të njëjtin mur anësor ku humbën jetën të rinjtë pasditeën e 9 marsit të vitit 2023. Nga përplasja e fortë betonierja u shkatërrua plotësisht. Në të udhëtonin dy persona. Shërbimet e policisë rrugore dhe zjarrfikset dhe ambulanca mbërritën menjëherë në vendngjarje ku konstatuan se njëri humbi jetën në vendngjarje ndërsa tjetri u plagos rëndë dhe u përcoll në spital ku vdiq nje ore me vone. Të dy personat nuk janë identifikuar nga policia por dyshohet se jane te huaj dhe kishin ardhur ne shqiperi me kontrata pune.