Nga pallati në ndërtim i shembur dje papritur në Lagos të Nigerisë, u nxorrën sot dy të mbijetuar të tjerë. Tragjedia ka vrarë të paktën shtatë njerëz dhe ende të tjerë mbeten të bllokuar në rrënoja. Skuadrat e shpëtimit vazhdonin me intensitet punën dhe arriten te komunikonin me të mbijetuar brenda rrënojave të betonit. Ndërtesa 21-katëshe në ndërtim u shmben papritur nën vete, duke u kthyer në një pirg blloqesh betoni në zonën e pasur të kryeqytetit tregtar të Nigerisë. Punonjësit thonë se shtatë të mbijetuar janë nxjerrë deri tani nga rrënojat por dhjetra të tjerë besohet se mbeten të bllokuar brenda tyre. Kreu i emergjencave kombëtare Ibrahim Farinloi tha se kishin dëgjuar zëra të qartë nga brenda rrënojave. Presidenti nigerian Mumadu Buhari i kërkoi dje zyrtarëve të intensifikojnë operacionet e shpëtimit teksa të afërmit presin lajme për të humburit e shembjes.